სპორტი
კვარამ ფინალი არ ითამაშა!!
საფრანგეთის თასის ფინალის წინ მოთელვისას ხვიჩა კვარაცხელიამ თავი შეუძლოდ იგრძნო და მატჩში მონაწილეობა ვერ მიიღო. ქართველი ფეხბურთელი მალევე დატოვა სტადიონი და სახლში დაბრუნდა. მატჩის შემდეგ ამ საკითხზე კომენტარი პსჟ-ს მთავარმა მწვრთნელმა, ლუის ენრიკემ გააკეთა: „ხვიჩა ვერ ითამაშა, რადგან გახურებისას თავბრუსხვევა დაეწყო. სერიოზული არაფერია. გადავწყვიტეთ, რომ სახლში წასულიყო და დაესვენა. სამშაბათს ვარჯიშისთვის მზად იქნება. არ გვინდოდა რისკზე წავსულიყავით იმ ფეხბურთელთან, რომელიც თავს კარგად ვერ გრძნობდა,“ – თქვა ენრიკემ. შეგახსენებთ, რომ პსჟ-მ საფრანგეთის თასის ფინალში რეიმსი 3:0 დაამარცხა. პარიზელებმა უკვე მოიგეს ქვეყნის ჩემპიონატიც და 31 მაისს ჩემპიონთა ლიგის ფინალში მილანის „ინტერს“ დაუპირისპირდებიან.
კომენტარის დატოვება კომენტარის გაუქმება